ಸಾರ್ವಜನಿಕ ಪ್ರಕಟಣೆ ಅನುಸೂಚಿ

ಸಾರ್ವಜನಿಕ ಪ್ರಕಟಣೆ ಅನುಸೂಚಿಯು ಜೆ.ಎನ್.ಎನ್.ಯು.ಆರ್.ಎಂ. ಅಡಿ ಒಂದು ಕಡ್ಡಾಯವಾದ ರಾಜ್ಯ ಮಟ್ಟದ ಸುಧಾರಣೆಗಳಲ್ಲೊಂದು. ಈ ಕಾಯಿದೆಯಡಿ, ನಾಗರೀಕ ಸ್ಥಳೀಯ ಸಂಸ್ಥೆಗಳು (ULB) ತಮ್ಮ ಕಾರ್ಯಾಚರಣೆಗಳ ಬಗ್ಗೆ ಸ್ವಯಂಪ್ರೇರಿತವಾಗಿ ಮಾಹಿತಿಯನ್ನು ಬಹಿರಂಗಪಡಿಸಬೇಕು; ಇವುಗಳೆಂದರೆ, ಕಾರ್ಯಾಚರಣೆ ಮತ್ತು ಹಣಕಾಸಿನ ಪ್ರಮಿತಿಗಳನ್ನೊಳಗೊಂಡ ವಾರ್ಷಿಕ ಸಾಧನೆಯ ನಿರೂಪಣೆಗಳು, ಮತು ವಿವಿಧ ಸೇವೆಗಳಿಗೆ ಸೇವಾಮಟ್ಟಗಳನ್ನು ಕಾಲಿಕವಾಗಿ ಸಾರ್ವಜನಿಕರಿಗೆ ತಿಳಿಸಬೇಕು.

ಪಿಡಿಎಸ್ ನ ಅಗತ್ಯ

• ಪುರಸಭಾ ಆಡಳಿತದ ಹಲವು ಅಂಶಗಳಿಗೆ
  ಸಂಬಂಧಪಟ್ಟ ಮಾಹಿತಿಯ ಪ್ರಕಟಣೆಯ ಮೂಲಕ
  ಪುರಸಭೆಯ ಕಾರ್ಯಾಚರಣೆಯಲ್ಲಿ ಪಾರದರ್ಶಕತೆ ಮತ್ತು
  ಹೊಣೆಗಾರಿಕೆಯನ್ನು ತರುವುದು ಈ ಸಾರ್ವಜನಿಕ ಪ್ರಕಟಣೆಯ
  ಉದ್ದೇಶ.
• ಎಲ್ಲಾ ಪಣಿಧಾರಿಗಳಿಗೆ ತ್ರೈಮಾಸಿಕ ಸಾಧನೆಯ
  ಮಾಹಿತಿಯು ತಪ್ಪದೆ ತಲುಪಲು ಸಾರ್ವಜನಿಕ
  ಅನಾವರಣ ಕಾಯಿದೆಯನ್ನು (PDL) ಜಾರಿಗೆ ತರುವುದು
  ಜೆ.ಎನ್.ಎನ್.ಯು.ಆರ್.ಎಂ. ನ ದೂರದೃಷ್ಟಿಯಾಗಿದೆ

ಸಾರ್ವಜನಿಕ ಅನಾವರಣ ಕಾಯಿದೆಯ ಪ್ರಮುಖ ಉದ್ದೇಶಗಳು :
• ನಾಗರಿಕರಿಗೆ ಮತ್ತು ಪಣಿಧಾರಿಗಳಿಗೆ ವಿವಿಧ ಪುರಸಭಾ ಸೇವೆಗಳ ಬಗ್ಗೆ ಸೂಕ್ತವಾದ ಹಣಕಾಸಿನ ಮತ್ತು ಕಾರ್ಯಾಚರಣೆಯ ಮಾಹಿತಿ ಒದಗಿಸುವುದು.
• ಪುರಸಭೆಯಿಂದ ಸಾರ್ವಜನಿಕ ಸರಕು ಮತ್ತು ಸೇವೆಗಳ ನೀಡಿಕೆಯಲ್ಲಿ ದಕ್ಷತೆ ಮತ್ತು ಸಮರಸತೆಯನ್ನು ಪ್ರೇರೇಪಿಸುವುದು.
• ಒಂದು ರಚನೆ, ನಿಯಮ ಮತ್ತು ಮಾನಕವಾದ ವಿಧಾನದಲ್ಲಿ ಮಾಹಿತಿಯ ಪ್ರಕಟಣೆಯ ಮೂಲಕ ಕಾಲಾಂತರದಲ್ಲಿ (ಒಂದು ನಿರ್ದಿಷ್ಟ ಯುಎಲ್ಬಿ ಯ) ಮತ್ತು ಸ್ಥಳಾಂತರದಲ್ಲಿ (ಯುಎಲ್ಬಿ ಗಳ ನಡುವೆ) ಹೋಲಿಕೆಯನ್ನು ಮಾಡುವುದು.

ಯುಎಲ್ಬಿ ಗಳ ಪಾತ್ರ

ಅಧಿಸೂಚನೆಯು ಹೇಳುವಂತೆ ULB ಗಳು ಮತ್ತು ಇತರ ಸಂಸ್ಥೆಗಳು ಕೆಳಕಂಡ ವಿಧಾನದಲ್ಲಿ ಸೇವಾ ಮಟ್ಟಗಳ ಬಗ್ಗೆ ಸ್ವಯಂಪ್ರೇರಿತವಾಗಿ ಮಾಹಿತಿಯನ್ನು ಪ್ರಕಟಿಸತಕ್ಕದ್ದು
➣ ಹೆಚ್ಚು ಮಾಹಿತಿಯನ್ನು ಪಡೆಯಲು ಸಹಾಯಕವಾಗುವಂತೆ ಕಛೇರಿಯ ವಿಳಾಸ, ಜಾಲತಾಣ ಮತ್ತು/ಅಥವಾ ಇ-ಮೇಲ್ ಮತ್ತು ಇತರ ಸಂಪರ್ಕ ವಿವರಗಳೊಂದಿಗೆ, ಜಿಲ್ಲೆಯಲ್ಲಿ ಪ್ರಚಾರವಾಗುವ ಕನಿಷ್ಟ ಒಂದು ದಿನಪತ್ರಿಕೆಯಲ್ಲಿ ಮಾಹಿತಿಯ ಸಾರಾಂಶವನ್ನು ಪ್ರಕಟಿಸಬೇಕು
➣ ಸ್ಥಳೀಯ ಪ್ರಾಧಿಕಾರದ ಜಾಲತಾಣದ ಬಗ್ಗೆ ಎಲ್ಲಾ ಮಾಹಿತಿಯ ಪೂರ್ಣ ಪ್ರಕಟಣೆ
➣ ಸ್ಥಳೀಯ ಪ್ರಾಧಿಕಾರದ ಸೂಚನಾ ಫಲಕ
➣ ವಾರ್ಡ್ ಕಛೇರಿಗಳಿದ್ದಲ್ಲಿ, ಅದರ ಸೂಚನಾ ಫಲಕ; ಅಧಿಸೂಚನೆಯ ಅನುಸೂಚಿಯು ULB ಗಳು ಪ್ರಕಟಿಸಬೇಕಾದ ಮಾಹಿತಿಯ ವಿವರಗಳು, ಪ್ರಕಟಣೆಯ ಆವರ್ತನ (ಅರ್ಧ ವಾರ್ಷಿಕ, ವಾರ್ಷಿಕ ಇತ್ಯಾದಿ), ಪ್ರಕಟಣೆಯ ಮಟ್ಟ (ವಾರ್ಡ್, ನಗರ) ಮತ್ತು ಯಾವ ಅವಧಿಗೆ ಮಾಹಿತಿಯನ್ನು ಪ್ರಕಟಿಸಬೇಕು (ಒಂದು ವರ್ಷ ಇತ್ಯಾದಿ) ಎಂಬುದರ ವಿವರಗಳನ್ನು ನೀಡುತ್ತದೆ.